KRALENDIJK – Ana B. a presentá dilanti hues S. van Lieshout, awe djaweps relashoná ku un kaso di droga i huntu kune Giovanny B., kende tambe ta akus’é di ta relashoná ku kaso tokante droga, esaki 14 yanüari 2020.

Giovanny tabata den posishon di kokaina i 20 mil dòler den un boto. Hues a bisa Ana ku a hasi investigashon den un kònteiner i e tabata sinta dilanti e kònteiner. Polis a yega hañ’é einan i el a aseptá esaki. Hues a bisa ku e señora ke a skonde dos pochi i aki e señora a bisa hues ku no ta bèrdat. Hues a sigui papia i a bisa ku a resultá ku tabatin kokaina den e pochinan. Señora a papia i a bisa ku e no tabatin nada riba dje. “Nan a tira e kos riba mi pia. Ami no tin nada di hasi ku e droganan. Tur dia mi ta na e kònteiner. Mi no tin nada di aber ku e droga. Polis a listrami pero mi no tabatin nada riba mi. Mi tabata pendiente pa bai Kòrsou i a pasa un ratu na e kònteiner manera semper mi ta hasi, “Ana a bisa. Riba pregunta di hues e dama a kontesta ku e ta hasi e trabou di mas bieu na mundu pa e sobrebibí. 

Despues Hues a papia ku Giovanny B. i a puntr’é tokante un boto ku e tabata manehá. El a papia i a bisa ku e no sa nada tokante motor di boto ku ta hòrta. Hues:”Ta papiá ku abo a pidi pa kita e motor di boto.” Hues a papia i a menshoná ku ta un kaso hopi largu  tokante e boto. Giovanny a bisa ku e ta bai piska mardugá 5’or di mardugá i ta yega tardi lat i atendé ku su yu i bai drumi. “Ami no tin nada di aber ku loke tabata sosodé ku e hendenan.” Hues a bisa ku nan a para un otro boto ku yama ‘Don Chacho’ ku a sali for di Boneiru pa bai Kòrsou i a haña droga aden. E boto tabata di mama di Giovanny si por komprondé. Hues a bisa Giovanny ku a tap telefon di dje i a tende el i un persona tabata papia tokante kokaina pa Janga. Giovanny a puntra ta ken ta Janga, pasobra e no konosé e tal Janga. Hues a sigui amplia tokante e kaso sin splika tokante Janga. Hues a puntr’é tambe kon e tabatin 20.000 dòler den su poder. Na banko no tin niun indikashon ku e ta traha òf kobra via banko. Giovanny a bisa ku e ta un piskadó i no ta atendé ku banko ku slep di salario etsetera. Tampoko asuntu di belasting. “Ta trata di sèn ku mi wela a laga p’ami. Esaki a sosodé promé ku el a fayesé. Mi a haña e sèn pasobra semper mi a atendé serio kuné.” Fiskal M. Boheur a trese su rekisitorio kaminda el a papia amplio tokante loke ta pertenesé na Giovanny B., entre otro tokante e Boto.

Meskos fiskal a trese den su rekisitorio loke ta relatá na Ana S.. Fiskal a pidi un kastigu di 60 dia prison i 2 aña prueba.

Despues abogado M. Van lieshout a defendé ámbos akusado ampliamente.

Último palabra di Ana el a menshoná ku e ta deseá di risibí e sèn ku polisnan a kita for di dje. Ta trata di sèn pa su hendenan ku ta biba na Repúblika Dominikana ku ta den nesesidat debí na e problema di COVID-19. “Mi tin ku manda sèn pa e hendenan. Mi ta lamentá loke a sosodé. Mi ta hasi bon mi no sa dikon ta bisa ku mi ta metí den asuntu di bendementu di droga. Tur kos mi a hasi legal i hustisia ta bisa ku e sèn ta di droga,”Ana a bisa.

Hues a finalisá bisando:”Señora tabatin droga den posishon i a trata pa skonde pochi di droga ora polis a presentá.  Bo tabata sa ku tin droga den e kosnan. Bo ta gaña ku polisnan a traha algu falsu kontra bo i esaki no ta bèrdat. Mi no ta aseptá esaki. Ta tene kuenta ku ta promé bes den man di hustisia pa loke ta trata bo sentensia. Bo no ta haña un kastigu pa bai prison. Mi ta mantené loke fiskal a pidi esta 60 dia prison i 35 kondishonal i 2 aña prueba, kitando 25 dia ku ya bo tabata den prison.”

Pa loke ta trata Giovanny B.,” mi ta bisa ta trata di un motor di boto hòrta i no tin duda. Pa loke ta trata e boto di piskadó, nos ta papia di labamentu di plaka  òf  bo mester proba loke bo no por a hasi, ku e sèn ta bin di kos legal. Ta trata di hopi sèn. Tin hopi indikashon ku ta trata di sèn di droga. No tin papel ku ta duna indikashon ku e sèn ta legal. Ta trata un kaso serio. Bo karchi penal no ta limpi i  ta trata di 2 kos serio ku den pasado a sosodé. Loke fiskal a pidi ta bou. Mi ta kere e mester ta mas. Mi lo no kambia loke el a pidi esta 2 luna di prison inkondishonal, kitando loke bo a sinta. Pa loke ta trata e boto ta deshasí di esaki, debí ku e tabata enbolbí den e kaso di trafikashon di droga,”hues S. van Lieshout .

Share This
error: Content is protected !!