KRALENDIJK – Un suidadano di bario Kibrahacha ta hopi mal kontentu ku servisio di TELBO. E persona a presentá na ofisina di Radio Live 99.9 FM pa ekspresá su malkontentu di e kompania ariba menshoná. “Ya pa 6 Luna televishon di e kompania TELBO ta un desaster. Na diferente okashon mi a aserka nan pa atendé e situashon, sinembargo no tin solushon. Nan ta manda hende pa bin wak i drecha e servisio, sinembargo no tin mehorashon. Awe mi a bolbe regresá TELBO i nan a bisami nan ta manda un hende pa atendé e situashon, sinembargo e kos aki a kansami. Mi ta paga korektamente, i ta deseá di risibí bon servisio. E televishon su pantaya konstante mente ta pega i e zonido ta bai bin ku e pegamentu na televishon. Bo no por pone atenshon pa wak, pasobra bo ta haña biramentu di kabes. Mi tin kantidat di filmashon ku mi a hasi i a muestranan kiko ta e problema. E kos aki tin hende fada,” e suidadano di bario Kibrahacha number 7 a konta Radio Live 99.9 FM. E suidadano kliente di TELBO tabatin diferente grabashon kaminda por a tuma nota ku e loke ta pasa na televishon ta pega konstantemente i zonido ta bai bin.

Share This
error: Content is protected !!