KRALENDIJK – Diputado di deporte sr. James Kroon, ayera nochi den Stadion di Playa den presensisa di un bon públiko fanatiko di e deporte Rei, a hasi apertura ofisial di e torneo di futbòl Kopa FFB selebrando 60 aña di e federashon.

Pa loke ta e parti ofisial di e apertura, tabatin e diferente diskursonan di diputado di deporte sr. James Kroon i tambe presidente di FFB sr. Ludwig Balentin. Sr. Charlton Thomas a fungi komo MC pa e okashon aki.

Diputado Kroon pa efektuá e apertura ofisial, a hasi e promé sake di bala pa e dos kipernan di e ekiponan s.v. Real Rincon i s.v. Uruguay ku a hunga e promé partido di e torneo, di kua s.v. Uruguay a gana 2-1.

E apertura a bai den presensia di un bon públiko. Durante e seremonia di apertura ofisial, e direktiva di FFB kompleto tabata presente den nan shirt 60 Aña FFB.

Tabata sigur bon inisio di e torneo Kopa 60 Aña FFB ku ta sirbi tambe komo unu pa ekiponan kalentá promé ku kampionato 2020-2021 kuminsá fin di ougùstùs.

Share This
error: Content is protected !!