KRALENDIJK – E hóben Gabriel Child, djabièrnè último den oranan di anochi na Jeugdhuis Jong Bonaire, a bira e bòksdó mas balioso (MVP) di e programa di bòkseo ku a tuma lugá e anochi ei. Tabata un tremendo programa organisá pa Jeugdhuis Jong Bonaire, kordiná pa sr. William Evertsz.

Pa loke ta e peleanan di e anochi, ocho na tur, esakinan a kuminsá ku un pelea di ekshibishon entre dos hóben di kua un mucha muhé i un mucha hòmber. E di dos pelea di e anochi tabata entre Shedean Winklaar i Zairick Merencia, di kua Zairick Merencia a gana. Di tres pelea entre Najur Alberto i Gabriel Child, tabata Gabriel Child ku a gana e pelea. Di kuater pelea di e anochi entre Roberto Martis i Ricardi Munoz, tabata Ricardi ku a gana e pelea. E di sinku pelea di e anochi tabata entre e hóbennan Arendly Theodora i Quintus Braaf, di kua Arendly a gana e pelea. E di seis pelea di e anochi, pelea entre Valdemar Janga i Brayan Coronado, di kua Valdemar Janga a gana e pelea pa nòkout poniendo su kontrinkante drumi riba lona. Di shete pelea di e anochi entre Christepher Statie i Dimar Kalma, tabata Christepher ku a gana e pelea. Por último e anochi tabatin e di ocho pelea entre Beekvenlo Charles i Timothy Domacassé, pelea ku Timothy Domacassé a gana.

Riba potrètnan bista di e apertura, peleanan, tambe momentu ku a premia e MVP di e anochi ku ta Gabriel Child.

Share This
error: Content is protected !!