KRALENDIJK – Awe djaluna mainta alrededor di 10’or a tuma lugá un aksidente den sentro di suidat enfrente di e ofisina di impuesto. 

Un outo ku tabata bèk a alkansá un dama ku no a tuma nota di e outo. Informashon no ofisial ku Radio Live 99.9 FM ta disponé di dje ta indiká ku e dama tabata papiando ku un persona den un vehíkulo na e sitio di stashoná outo di ofisina di impuesto, i na dado momentu a kaba papia i bira pa sigui su rumbo. Nèt na e momentu ei un vehíkulo ku ta pertenesé na RCN su departamentu di SZW tabata bèk i a alkansá e dama. No tabata algu di gravedat pero a opta pa yama ambulans mirando ku e dama tabata keha di doló. Paramediko a atendé ku e dama un momentu na e sitio di aksidente i a transport’é pa hòspital pa tratamentu médiko.

Share This
error: Content is protected !!