KRALENDIJK – Un informashon ku ya algun tempu pasa Radio Live 99.9 FM a menshoná ku fiskal mayó di Boneiru Bote Ter Steege ta bai bandoná Boneiru. Definitivamente el a keda nombra komo Prokuradó General di Aruba. E ta inisiá e posishon nobo entrante 1 di sèptèmber binidero. Esaki ta loke konseho di minister di Reino a disidí djabièrnè na Hulanda. E parti ofisial di esaki no ta anunsiá ainda. Ter Steege ta na Boneiru for di 2018 den e funshon komo fiskal i fiskal  Mayó suplente na parkèt di promé instansia di Boneiru, Sint Eustatius i Saba (BES). E ta para na kabes di parkèt di Ministerio Públiko BES. Den e funshon e ta susesor di eks Fiskal Mayó, Henry Hambeukers. Promé ku Ter Steege a okupá e funshon na Boneiru, e tabata entre otro fiskal koordinadó pa aviashon tempu di e desaster aéreo ku  buelo 1951 di Turkish Airlines. El a bin Boneiru prosedente di e parkèt na Amsterdam. For di algun luna e nòmber di Ter Steege tabata sirkulá komo e próksimo PG di Aruba. Awor e ta bira na Aruba susesor di prokuradó General , mr Alexander van Dam, ku a baha komo PG di Aruba na 2019. Te na e momentu aki mr A.J. van Deutekom ta fungi komo Prokuradó General interino di Aruba. Un di e logro nan na Boneiru ta ku Ter Steege komo Fiskal Mayó, a logra antianisá e kuerpo di fiskalnan di parkèt BES.    

Share This
error: Content is protected !!