KRALENDIJK – Suidadano Robert Swinkels a papia na Radio Live 99.9FM, i el a ekspresá su malkontentu pa e forma kon ZVK ta funshoná. “Mi no ta presente pa kaba ku niun hende òf organisashon. Simplemente mi ke ilustrá sierto kos i pa trese mehorashon pa loke ta trata kuido médiko na Boneiru. For di 2018 mi a konstatá ku mi tin un problema ku stoma. A haña remedi pa esaki i e kos no a yuda. E problema a bira mas serio. Mi tabata haña hopi doló.

Internista a keda para riba pa mi bebe e remedi i kos lo drecha, sinembargo nada di mehorashon.

Mi a buska pasashi pa bai Repúblika Dominikana i nan a bisami na Boneiru si mi warda nan ta atendé pa via Boneiru mi bai den eksterior pa otro dòkter. Mi a bisa ku mi ke pa bai pa un di 2 opinion. Mi a disidí i a bai riba mi mes Repúblika Dominicano. Aya nan a deskubrí ku mi tin problema ku stoma tripa i algu ku kurason, loke nan a bisami na Boneiru ku ta bon. Na Boneiru a saka kantidat di potrèt sin durante 4 aña, sin a kai ariba ku mi tin ostoporosus. A tuma nota ku hopi kos a bai inkorekto na Boneiru. ZVK a manda un papel i a bisa ku mi no tin niun kaminda mas di kana. ZVK ta pone riba papel ku abo mes ta skohe pa bai den eksterior. Den eksterior nan no ta dunabo e resultado i ta manda esei pa Boneiru, i na Boneiru nan ta informábo. Mi tin un parti morto den mi kurason loke nan no tabata sa na Boneiru.

Na Boneiru tin un asistente pa loke ta trata kardiólogo loke no ta korekto. Mester di un persona kalifiká pa atendé e funshon. E kos fastioso ta dikon no ta informá for di na Colombia kiko ta e pashènt su situashon. Un spesialista no ta bai bisabo ku el a kometé un eror. Mi a bai Onbudsman i e tambe a splika ku no tin niun kaminda mas pa bai. Mester bin un reunion di drihuk ku Fundashon Mariadal, ZVK i un komishon di pashènt. Si un dòkter atendébo, mihó deskubrí e kos korekto, ta mas barata ku e hende mester bai mas leu pa tratamentu médiko. Tin un persona a bai korte i ora abogado a kere nan por trata un kaso, hues a bisa ku riba e karta pa bai den eksterior tin skirbi ku ta e pashènt a skohe pa bai eksterior i no e dòkter. Esaki ta e wega loke ta inkorekto. Ta e dòkter ta disidí ku e ta manda e hende den eksterior i no e pashènt ta pidi òf skohe. E problema ta e dòkter i spesialistanan ta esnan ku ta aktua inkorekto. For di momentu ku un dòkter tin e impreshon ku ta trata di un situashon sikológiko, nan ta tratabo di tal manera.

Momentu bo bai Colombia i bo mes paga bo ta tende tur kos ku bo tin di bo salu. Ami lo konsehá un hende pa pone poko sèn un banda, pasobra si nan no yudabo aki, bo tin sèn pa bo bai eksterior pa ayudo. Mi ke pa huntu nos solushoná kos i duna mihó servisio. E meta di loke mi a trese ta pa drecha loke ta inkorekto,” Swinkels a bisa.

Share This
error: Content is protected !!