KRALENDIJK – E ministerio di Enseñansa, Kultura i Siensia tin hopi gana di sa kiko studiantenan ta pensa di e sistema di finansiamentu di estudio ku ta disponibel pa studiantenan ku ta biba na Boneiru, Sint Eustatius òf Saba. Bo ta bai studia a korto plaso den Karibe, Canada òf Estádos Unídos?

Òf bo ta siguiendo bo estudio na un di e pais nan aki i bo ta risibí finansiamentu di BES? Den e kaso ei nos ta buskando abo. Fuera di esei tambe nos ta buskando hóbennan ku a skohe pa no bai studia, ku a kaba di studia òf ku a stòp sin haña nan diploma.

Nos ke invitá bo pa un entrevista (kòrtiku) tokante bo eksperensianan ku finansiamentu di estudio pa studiantenan di e islanan BES. E investigashon ta ser hasi na enkargo di e ministerio di OCW dor di Rianda Sacré, eksperto den atministrashon públiko i investigadó eksperensiá na Boneiru i ResearchNed, un instituto independiente di Hulanda Oropeo. E entrevista lo tuma lugá pa un parti pa medio di un yamada via vidio (na Hulandes, Ingles òf Papiamentu) i e otro parti pa medio di un enkuesta digital. Di tur e aplikashonnan nos lo hasi un selekshon di e personanan ku nos ke papia kuné. Tur persona ku ser selektá i ku partisipá, lo risibí un kadobon di € 10.

Bo datosnan los ser trata di un forma konfidensial i lo ser únikamente usa pa e investigashon aki. Bo tambe ke partisipá? Yena e formulario aki. Nos lo tuma kontakto ku pronto i lo splika bo kon nos lo sigui. 

Share This
error: Content is protected !!