KRALENDIJK – Despues di ayera nochi, e torneo di futbòl Kopa FFB 2020 selebrando 60 aniversario di FFB ku ta e federashon di futbòl di nos isla, ta sigui djabièrnè awó ku e di tres partido di e torneo.
E partido aki tambe ta primintí di bira otro tremendo partido ku dos ekipo buskando kada unu na nan manera, e viktoria fo’i dje partido.`
Mañan djabièrnè 8or anochi den Stadion di Playa, ta enfrentá otro e ekiponan Vitesse di Antriòl pabou e ekipo di Young Boys di Nort Saliña.
Konsiente kubo no por pèrdè sino bo ta kai afó di e torneo, tur ekipo ta bini ku futbòl na nivel, futbòl di klase buskando e viktoria pa keda den e torneo.

E torneo ta unu estilo “dal saka”, loke ta nifiká ku e ekipo ku pèrdè ta kai afó, e ekipo ku gana ta sigui. Mester yega na un ganador. Den kaso ku tin empate na final di e partido, ta bai prolongashon di 2×15 minüt i despues si ainda tin empate, lo tira pinalti pa yega na un ganadó.
Abo fanátiko trata p’abo no pèrdè nada nada di e partidonan di e torneo aki ku tei bira bastante interesante. Wak pabo tei foi tempran pabo no pèrdè nada di e partido aki. Entrada pa mucha i 60+ ta solamente $2,-, adulto ta paga solamente $3,-.
Éksito na e ekiponan den e torneo.

Share This
error: Content is protected !!