KRALENDIJK – Awe mainta a tene un enkuentro di prensa relashoná ku 3 kaso nobo di corona vírùs. Gezaghèber Edison Rijna a papia ku komunidat relashoná ku e kasonan di hende infektá ku e vírùs na Boneiru. Ta trata di 3 persona ku ta bini for di Perú. “ Total a bin Boneiru 19 persona den e mes un avion ku esnan infektá ku e vírùs. Momentu a detektá e promé 2 kaso, a hasi investigashon pa wak si akaso esaki por a plama pa mas hende, loke no ta e kaso. Nan salu ta stabil na e momentu aki. Relashoná ku esaki nos ta pone algun regla sigur pa loke ta trata esnan ku ta bini for di Aruba pa Boneiru. Aruba ta habri pa esnan ku ta bini for di Merka. Mi ta hasi un apelashon pa esnan ku ta biaha, pa mantené e reglanan di entre otro distansia sosial pa evitá ku kos ta plama. Esnan ku ta deseá di bin Boneiru for di eksterior, nos tin awor un forma pa yena un formulario digital pa asina kos kana mihó i pa por tin un bista ken ta e persona i kon su situashon di salu ta ora e yega Boneiru. Yen’é preguntanan online i tin un kopia di loke a yena. Esaki ta riba website   www. Bonairepublichealth.org.

No tin un tèst obligatorio pa tur hende ku ta bin for di eksterior. Lei no ta pèrmití pa obligá un persona pa hasi un tèst riba e persona. Ta momentu ku e persona tin síntoma por tèst i esei ta loke a sosodé den e kaso aktual di esnan ku ta infektá aktualmente. Tin bon relashon kaminda e hendenan ta aseptá pa pasa tèst. No tin niun hende mas di hende ku mester regresá Boneiru aktualmente. Tin solamente algun persona ku mester regresá, sinembargo nan no ta deseá pa regresá awor. Karentena Sentral ta keda pa na momentu ku ta nesesario pa hasi uso di esaki. Solamente a tèst 4 di e 19 hendenan ku tabata huntu riba e buelo pa Boneiru. Hospital por atendé ku 7 persona, si na mes momentu nan tin e ‘corona’ vírùs. E hendenan ku ta yega for di Hulanda ku KLM, tin un obligashon pa mantené na e regla di distansia sosial. Ta importante pa evitá si tin hende ku e vírùs, pa e plama rápido.  

Boneiru a risibí e sla ekonómiko debí na e vírùs. Tin sektor entre otro esun turístiko, ku nos ta dependé 80 porshento di entrada. Pa algun luna esaki ta ketu. Hulanda a yuda pa asina esnan ku a sufri risibí poko  di sèn. Un hende no por pasa di Aruba pa Boneiru sin ku e tabata mas ku 2 siman na Aruba. Tin kontròl riba esaki. Un apelashon ta bai pa mantené bo mes na e reglanan korekto, i e parti higiena, pa nos ta bon i kuida otronan ku ta delikado kontra e malesa di e vírùs di corona. 

Share This
error: Content is protected !!