KRALENDIJK – Resientemente durante un konferensiá di prensa ku partisipashon di gobièrnu di Boneiru, ministerio di enseñansa (OCW) di Karibe Hulandes, sekshon di MBO di SGB i Share Service Organisatie di RCN, a partisipá na prensa ku pronto ta bai konstruí un edifisio nobo pa MBO. Entre otro a papia diputado Nina den Heyer, Lisette de Keijzer, direktor di unidat MBO, SGB, Arthur Korevaar, mènedjer di  RAP, RCN SSO-CN i Nolly Oleana direktor RCN/OCW.

Ora ku terminá ku konstrukshon di MBO, trabounan ta start ku konstrukshon di un VMBO/SLP edifisio parti sùit di Kaya Odulfinus.

Ta bai eliminá e aktual oula na entrada prinsipal di e skol.

E edifisio di skolnan nobo aki lo ta mas kompakto i práktiko kaminda ta tene kuenta ku aspektonan manera seguridat, zonido i klima pa studia.

Dor ku a skohe pa mantené ámbos edifisio den serkania di otro lo bai eliminá un gran parti di e edifisionan aktual. Solamente e parti di edifisio ku a konstruí na aña 1961 ku ta kore paralelo ku Kaya Korona i e fasilidatnan deportivo parti patras di e aktual edifisio lo keda intakto.

Despues di kaba ku konstrukshon di ámbos edifisio tin plannan pa konstruí un campus, pa studiantenan di MBO, kaminda e aktual lokalidatnan di práktika ta. Kombinashon di potrèt ta ilustrá e skol aktual.

Share This
error: Content is protected !!