KRALENDIJK – Manera ta konosí, den e dianan tras di lomba, tres repatriante Peruano a tèst positivo pa Covid-19. Tur e tres personanan aki tabatin 1 siman kaba na Boneiru den karentena sentral na momentu ku nan a haña sintoma i mesora a wòrdu di tèst. Tur tres a tèst positivo.

Awe djasabra den oranan di atardi bou di estrikto medidanan di seguridat i segun protokòl, a transportá 1 di e 3 repatriantenan aki pa hòspital San Fransisco kaminda n’e momentunan aki e ta kompletamente isolá i leu for di tur hende. Su situashon di salú ta di atenshon i pesei a transport’e pa hòspital kaminda e ta interná na e momentunan aki.
Ounke e no ta na ventiladó, su estado di salú ta bou di vigilansha.
E dos otro nan si ta ketubai den karentena sentral i ta stabil.

FUENTE: AIMED AYUBI.

NOTISIA KU BO POR KONFIA.

Share This
error: Content is protected !!