KRALENDIJK – Djadumingu algu promé ku 3’or di atardi, a sosodé un aksidente aéreo trágiko na 12.5 kilometer for di kosta di Aruba. Un hèlikòpter marítimo di kombate NH90, ku ta pertenesé na e barku Zr. Ms. Groningen, a kai den laman despues di a tèrminá nan parti di patruya di kosta. E piloto Christine Martens di 34 aña di edat i e kordinadó táktiko di 33 aña di edat Erwin Warnies a bin fayesé. Ámbos Militar tin e rango di Luitenant ter Zee, 2da klase, Kategoria Mayor.

Na momentu ku nan a wòrdu saká for di e hèlikòpter, a purba reanimá nan sinembargo lamentablemente no a logra skapa bida di e pilotonan. Tabatin dos otro miembro di tripulashon abordo, i nan situashon si ta stabil.

“E loke ku a sosodé aki ta un shòk pisá pa tur hende”, asina Ministerio di Defensa di Hulanda a informá. Komandante di Forsanan di Kombate Teniente –Atmiral Rob Bauer a anunsiá esaki durante un konferensha di prensa na Den Haag. Famianan di e Militarnan ku a peresé, e momentu ei ya kaba a keda poné na altura pa medio di Defensa. E otro 2 miembronan di tripulashon no tin leshon físiko serio. Te na e momentu aki no ta konosí kiko ta motibu di e aksidente ku e hèlikòpter ayera na 12.5 kilometer for di kosta di Aruba. E hèlikòpter di Wardakosta di Karibe Hulandes i e ekipo di buseo di Marina Real di Reino Hulandes stashoná na Kòrsou i un ekipo speshalisá ku tin abordo di e barku Zr. Ms. Groningen ta trahando huntu na e sitio di aksidente, pa purba yega na e Black Box (flight recorder) di e hèlikòpter. Ta hopi importante pa topa e aparato ku ta un prioridat i krusial pa por investigá kiko ta loke a sosodé den e último minüt i sekòndenan abordo di e hèlikòpter di marina, promé ku el a kai. Un kaso lamentabel i tristu ku a sosodé djadumingu atardi na 12.5 kilometer leu for di kosta di Aruba. Por komprondé ku na Hulanda tin 19 di e tipo di hèlikòpter manera esun ku a kai den laman ayera. Debí na loke a sosodé a prohibí pa usa e hèlikòpternan, te momentu ku tin informashon kiko tabata kousa di esun ku a aksidentá.

Ta di spera ku Inspectie Veiligheid Defensie/Inspekshon di Seguridat di Defensa lo bai hasi investigashon.

Share This
error: Content is protected !!