KRALENDIJK – Etienne van der Horst pronto ta bandoná Boneiru i regresá Kòrsou pa okupá e funshon di sekretario general di SOAW. Van der Horst a tuma e responsabilidat ku ta kuminsá di 1 di sèptèmber 2020 pa e funshon ariba menshoná. Despues di un selekshon amplio i profundo Konseho di minister riba djarason 1 di yüli, riba proposishon di minister di SOAW Hensley Koeiman, a bai di akuerdo ku nombramentu di van der Horst pa e funshon ariba menshoná. Van der Horst no ta un deskonosí den seno gubernamental na Kòrsou, kaminda ya e tabata entre otro minister di BPD. Promé ku esei el a okupá vários funshon haltu di maneho. Van der Horst lo ta te fin di yüli e direktor interino na direktorado R&O di entidat públiko Boneiru. Den un deklarashon pa Notisia Live99, Etienne van der Horst a indiká ku su periodo di direktor interino di direktorado R&O ta tèrminá fin di yüli próksimo i e ta bai bèk Kòrsou.

Konsiderando su eksperensia i konosementu amplio, sigur pa loke ta trata funshonamentu den gobièrnu, van der Horst ta e persona adekuá pa duna un kontribushon na mas fortifikashon di SOAW. Aktualmente Yadira Bakhuis ta enkargá ku e funshon, te na momentu ku van der Horst kuminsá traha dia 1 di sèptèmber 2020.

Share This
error: Content is protected !!