KRALENDIJK – Pa ser eksakto dia 26 di yüli awor Sunbelt Realty ta hasi 10 aña ku nan ta e spònser prinsipal di sv Real Rincon. Na aña 2010 tabata solamente ku e ekipo señòr i awor na 2020 for di e ekipo nan hubenil (U-11, U-13, U-15, U-17 i U-19) te na esun señòr.


Durante e 10 aña nan ku a transkurí, sv Real Rincon a sa di logra diferente título i meskos Sunbelt Realty tambe a krese i logra bai den nan propio edifisio. Asina bo ta mira ku huntu dos organisashon por traha i logra aportá na otro su kresementu ounke kada un riba su teritorio.

Direktiva, Staf di entrenadó i tur hungadó di Sport Vereniging REAL RINCON kier gradisí SUNBELT REALTY ku sra. Corine van der Hout i sr. Jan Henk van der Wier na kabes pa e 10 aña nan tras di lomba i ta spera di por sigui konta ku nan pa hopi 10 aña mas. E selebrashon di esaki a tuma lugá fin di siman pasá na ofisina di Sunbelt Realty den Kaya Grandi sentro di siudat.

Share This
error: Content is protected !!