S.V. ATC KONTRA S.V. URUGUAY DEN TORNEO 60 AÑA FFB MAÑAN ANOCHI

KRALENDIJK – Despues di e partido djadumingu anochi entre s.v. Estrellas di Nort Saliña i e peruanonan di s.v. Arriba Perú, partido ku s.v. Estrellas a gana ku skor di 2-1, e torneo Kopa 60 Aña di FFB ta sigui mañan djárason 8or anochi den Stadion di Playa ku otro partido di e torneo.
Mañan djárason ku ta e di sinku partido di e torneo, ta enfrentá otro e ekiponan ATC di Tera Kòrá i e ganador di e promé partido di e torneo ku ta s.v. Uruguay di Antriòl Pariba. E partido aki tambe ta primintí di bira otro tremendo partido di e torneo ku tambe lo bai hala basta hende, sigur e habitantenan di Tera Kòrá, pa mira nan ekipo den akshon den e torneo.

E torneo ta unu estilo “dal saka”, loke ta nifiká ku e ekipo ku pèrdè ta kai afó, e ekipo ku gana ta sigui. Mester yega na un ganador. Den kaso ku tin empate na final di e partido, ta bai prolongashon di 2×15 minüt i despues si ainda tin empate, lo tira pinalti pa yega na un ganadó.
Abo fanátiko trata p’abo no pèrdè nada nada di e partidonan di e torneo aki ku tei bira bastante interesante. Wak pabo tei foi tempran pabo no pèrdè nada di e partido aki. Entrada pa mucha i 60+ ta solamente $2,-, adulto ta paga solamente $3,-.
Éksito na e ekiponan ku ainda ta den e torneo.

Share This
error: Content is protected !!