KRALENDIJK – Trabounan na waf di piskadó na Playa Pabou a inisiá. Manera palabrá, despues ku terminá ku trabou di renobashon di waf na Chachacha Beach, ta sigui ku esun di piskadó na Playa Pabou. Ya pa algu mas ku 2 siman ta hasiendo trabou na e waf di piskadó ariba menshoná. E waf ya eksistente na e sitio, awor ta bai bira mas largu, asina kreando mas espasio pa entre otro mas boto di piskadó por mara na e waf na mes momentu. Pues momentu ku e trabou ta kla na e waf, tin poko mas espasio pa usuarionan. Diputado Kroon a trese dilanti ku trabounan ta tumando lugá i kada kos ta tuma lugá na su debido tempu. Intenshon ta pa despues ku terminá trabounan na waf di piskadó na Playa Pabou, lo sigui ku trabounan di mantenshon na e waf na Sorobon. Pa loke ta trata e kas di piskadó ku tin na Playa Frans, gobièrnu di Boneiru a pone fondonan disponibel pa drecha e kas aki i e ‘slipway’. Potrèt ta ilustrá parti di e trabounan na waf di piskadó na Playa Pabou.    

Share This
error: Content is protected !!