KRALENDIJK – Un mucha ku a bai landa pa disfrutá di su fakansi grandi a sali di malu na momentu ku el a kòrta su pia na e waf resien konstruí na Chachacha Beach. E mayor a konta ku e yu tabata landa i na momentu ku el a bai subi e waf pa medio di e trapi nobo pegá na parti nort di e waf, el a kòrta su pia. E kòrtá tabata grandi, loke a pone ku mester a bai poli pa kose e herida. Segun e mayor di e mucha ku a heridá su pia na e trapi, ku no ta promé mucha ku a kòrta su pia. E tin informashon ku esaki a sosodé ku mas mucha. Otro kos, ta bon pa hendenan di edat ku ta bishitá Chachacha Beach i tur otro persona tene na kuenta ku momentu ku e waf ta muhá, esta hende subi for di laman ku pia muhá riba e waf, esaki ta slep. Ta bon pa esnan konserní tuma nota di e situashon i kisas por hasi algu pa drecha loke no ta korekto. Otro kos ku ta notabel ta e trapi su lugá pa pone pia ariba, esta e promé tabla mas abou den laman ta haltu, loke ta hasi difísil pa un hende subi e waf pa medio di e trapi. Pa e ta mihó mester pone un tabla mas abou pa por hasi uso di e waf mas stabil. E mucha ku a kòrta pia na e trapi parti nort di e waf, dòkter a opta pa kose e kòrtá, ku tabata sangra bastante.   

Radio Live 99.9 FM a drenta den kontakto ku Havenmeester Gunther Flanegin relashoná ku un suseso ku a sosodé na waf nobo di Chachacha Beach. Flanegin: “Nos ta na altura di loke a sosodé. Ta trata di skruf ku tin na e trapi. Debí ku e muchanan ta landa i ta kita e dòpinan ku tin na e skruf, ta pone ku e ta bira algu peligroso i por kòrta entre otro pia di un hende. Esaki a sosodé 2 bia ku a kita e dòpinan. Awor a opta pa kòrta e skrufnan asina eliminá tur posibel desgrasia usando e trapi na Waf di Chachacha Beach. E parti ku e waf ta slep debí ku e palu ta muhá, havenmeester a bisa ku esaki ta un tipo di palu fuerte, esta ‘hardhout’. Ta trata di un tipo di palu ku ta seka rápido i ‘eigenlijk’ mester evitá e slepmentu,” Havenmeester Flanegin a bisa.    

E trapi parti nort di e waf kaminda e mucha a kòrta su pia. Probablemente e muchanan a kita dòpinan ku tin pa protehá e skrufnan ku e konsekuensia ariba menshoná

 

Share This
error: Content is protected !!