KRALENDIJK – Tres klup di futbòl di Inglatera ta interesá den e hóben futbolista kategoria U-18 di Feyenoord, Hulanda ku ta Gio-Renys Felicia desendiente Boneriano.

Na e momentunan aki tres klup di futbòl ta tratando na firma e hóben futbolista di 16 aña aki ku ta Gio-Renys Felicia. Ta trata di e klupnnan di futbòl Crystal Palace, Newcastle i Brighton di Inglatera ku ta interesá den Gio. Nan ta den bataya pa mira kua di nan ta gana e bataya i logra  firma e hóben aki di kua su mama ta ruman di e konosido “coach” di futbòl hubenil ku ta Shahairo Oleana. Mama di e hóben Gio-Renys ta Zahaira Felicia i Gio mes ta bibá serka su wela na Hulanda, unda tambe e la nase.

Aktualmente Gio ku tabata hunga den e tim U-17 di Feyenoord a promové pa U-18 i ta den tremendo desaroyo. E klupnan profeshonal di Inglatera ku ta Crystal Palace, Newcastle i Brighton ta den bataya pa un di nan logra firma e hóben aki.

Nos lo sigui e desaroyonan aki hopi di aserka i asina ku tin kualke informashon nos lo bini bèk riba esaki ku mas informashon. Si nos ta kòrda bon, nos a yega di trese na publisidat tambe e tempu aya ku karakter di primisia, kon Gio ku amor pa isla di su mayornan, ta hungando pa Feyenoord ku su sapatu di bala ku bandera di Boneiru riba dje. Hopi amor pa e isla di Boneiru for di kua su mayornan ta bini.

Share This
error: Content is protected !!