KRALENDIJK – Awe mèrdia e kurpa sin bida di Ettienne Coffy a sali for di Kòrsou rumbo Boneiru. Tabata notabel bunita despedida pa su doño manera ta bisa ayera na Kòrsou i momentu di su salida for di Kòrsou pa Boneiru. Algun ratu pasa e barku a yega ku e defuntu Boneiru. “Un hòmber ku mester tabata para riba e waf,  sperando e barku pa e deskarg’e. Awe otronan ta bah’é for di barku miéntras e ta drumí, “esaki ta loke famianan presente a menshoná, hopi emoshoná i no por a kontené nan lágrima. Hopi hende presente, outo di polis i otronan pa topa e barku Don Andres ku e defuntu na waf Nello Craane. Miéntras e barku tabata prepará pa mara na waf e trèker ku Ettienne tabata manehá a kore yega na e sitio. Esta un doló i emoshon pa tur presente. Momentu e barku a mara a baha e outo ku ta transportá e defuntu i a bai kuné direkshon di Consuelo Memorial pa pone temporalmente. Djadumingu binidero ta tuma despedida di Ettienne, i esaki ta sosodé di 1’or di mèrdia pa 4’or di atardi na ofisina di Don Andres na kaya industria, e kompania kaminda pa hopi aña e defuntu a laborá.  

Share This
error: Content is protected !!