KRALENDIJK – Djabièrnè awó e torneo di futbòl 60 aña di FFB ta sigui den Stadion di Playa pa 8or anochi, ora ku e ekiponan Juventus i Vespo enfrentá otro.

E partido aki tambe aparte di ta primintí di bira otro tremendo partido di e torneo, ta primintí tambe di hala basta hende hiba Stadion di Playa pa mira e partido. Vespo den su partido kontra di Atlétiko Flamingo a hana un total di 1056 fanátiko ku a paga pa mira e partido, esaki banda di tur e otronan ku ta drenta pòrnada i otronan riba muraya.

E torneo ta unu estilo “dal saka”, loke ta nifiká ku e ekipo ku pèrdè ta kai afó, e ekipo ku gana ta sigui. Mester yega na un ganador. Den kaso ku tin empate na final di e partido, ta bai prolongashon di 2×15 minüt i despues si ainda tin empate, lo tira pinalti pa yega na un ganadó.
Abo fanátiko trata p’abo no pèrdè nada nada di e partidonan di e torneo aki ku tei bira bastante interesante. Wak pabo tei foi tempran pabo no pèrdè nada di e partido aki. Entrada pa mucha i 60+ ta solamente $2,-, adulto ta paga solamente $3,-.BUn invitashon na abo pues pa mira Vespo kontra Juventus djabièrnè awó pabo mira bon futbòl i na nivel. Wak pabo no pèrdé.

Share This
error: Content is protected !!