KRALENDIJK – E fanatikada di futbòl ku e torneo 60 aña di FFB pa kalentá preparando pa kampionato ku ta kuminsá otro luna, a kuminsá haña kaminda bèk pa futbòl i pa stadion pa presensiá e weganan.
Bon bishitá por sierto tur e partidonan ta.
Loke si mester traha riba dje pa kampionato ta un bòrchi skor o sea scoreboard. Por lobby serká kualke un komersio ku no tabatin problema ku Covid-19, pa opsekiá FFB un scoreboard nobo. Stadion di Playa ta disponé di un scoreboard pero no ta konosí pa nos si esaki ta kos ku por drecha si òf nò. En todo kaso e no ta traha.
E ta importante sigur pa e hungadó riba vèlt i e fanatikada por mira e score i minütnan di wega.
Ta bon pa traha riba esaki, tambe dos òf tres kompania lo por pone mannan huntu pa wak si e scoreboard aktual ta kos ku por drecha òf pa regalá FFB un scoreboard nobo pa kampionato, mirando ku e Federashon di Futbol di nos isla mes no ta disponé di fondo pa por kumpra unu.

Share This
error: Content is protected !!