WILLEMSTAD – Relashoná ku e entradanan hudisial ku a tuma lugá awe mainta trempan alrededor di 6’or na Kòrsou den e bario Ser’i Fortuna, Radio Live 99.9 FM ta disponé di e informashon ku Atrako Tim i e Tim di Aresto kompañá pa reshèrshinan di Boneiru a logra detené un hòmber relashoná ku e kaso di atrako ku a tuma lugá na Divi Flamingo Casino, kaminda a bai ku mas o ménos 85 mil dòler. Reshèrshinan di Boneiru huntu ku koleganan di tim di aresto i atrako tim aya na Kòrsou a sigui traha duru despues ku no a topa ku e sospechoso awe mainta durante e entradanan hudisial. Mas lat alrededor di 8:45 e sospechoso a bai entregá su mes na warda di polis. Ta trata di e hòmber di inisialnan C.S.A.S. di 26 aña di edat.

A presentá e sospechoso dilanti un fiskal ousiliar ku a ordená su enkarselamentu, pendiente di mas investigashon. Probablemente e sospechoso lo wòrdu transportá pa Boneiru mirando ku e kaso di atrako a tuma lugá riba suela Boneriano.

Share This
error: Content is protected !!