WILLEMSTAD – Awe mainta trempan a tuma lugá algun entrada hudisial na Kòrsou den bario Ser’i Fortuna. Ta trata di 2 entrada hudisial ku a tuma lugá awe mainta trempan alrededor di 6’or den e bario menshoná, i Radio Live 99.9 FM ta disponé di e informashon ku tin reshèrshe di Boneiru na Kòrsou relashoná ku e entradanan hudisial. Esaki segun por komprondé tin di aber ku un kaso grandi ku a tuma lugá na Boneiru. Ta trata di e kaso di atrako ku a tuma lugá na Divi Flamingo Casino, kaminda a bai ku mas o ménos 85 mil dòler. E reshèrshenan di Boneiru ta huntu ku koleganan di tim di aresto i atrako tim aya na Kòrsou. No ta dunadó masha detaye relashoná ku e kaso i tin chèns ku ta bai hasi mas entrada hudisial. Hustisia di Boneiru tin mester di e persona i pa e motibu aki ta trahadó tur ku tin pa logra detenshon di e persona.

Share This
error: Content is protected !!