AMSTERDAM – Na Hulanda kasonan di e vírùs di corona a oumentá konsiderablemente. For di Den Haag ministerio di salubridat ta hasi un yamada pa nan ta èkstra alerta, esaki debí ku kasonan di vírùs di corona a oumentá. Mester bin ku mas mantenshon i atenshon pa loke ta trata e distansia sosial di 1.5 meter for di otro. Evitá aglomerashon di hende. No tin motibu pa intensivá medidanan di e vírùs menshoná. Ta bai sigui vigilá e situashon i por bai tuma medida regionalmente segun un bosero di ministerio di RIVM. Nan a mèldu ku e kantidat di kasonan di hende infektá ku e vírùs a bira dòbel kompará ku e siman previo. Di 534 awor e ta 987 kaso. Entretantu e porsentahe di tèst positivo a subi ku 3 tersera parti. RIVM ta yama esaki un ‘wake up call’. Den tweede kamer tin prekupashon pa e kasonan ku a oumentá asina drástiko. Parlamentarionan a ekspresá nan prekupashon pa medio di e sistema di ‘Twitter’. Ta menshoná ku ta importante pa hendenan tene nan mes na e reglanan. Ta deseá pa kontrolá buelo nan for di paisnan ku mas rísiko, mas intensivo. Loke a sosodé por a ferwagt despues ku a  suavisá i de eskala e medidanan. Un di e munisipionan kaminda mester konsiderá medidanan lokal ta Hillegom, kaminda ta konsiderá e kasonan muchu tiki pa un ‘lock down’ regional. E burgenmeester ta bisa ku nan ta hopi serka. Na Hillegom 28 hende a haña ‘corona virus’ i ta teme pa algun 100 kaso mas. Sigur 23 di e hendenan a keda kontagiá den un ‘cafe’ na Hillegom aya na Hulanda. Tin atenshon pa kasonan di ‘corona virus’. Hopi hende di 20 pa 29 aña ta e kontagionan nobo loke RIVM a menshoná.  Na luna di mart e porsentahe tabata ménos afektá kompará ku awor. Awor ta tèst poko mas amplio na e hendenan ku tin síntoma pa loke ta trata ‘corona virus’.  

Share This
error: Content is protected !!