KRALENDIJK – Sentro Hubentut i Famia a organisá un kurso yamá ‘Mi Yuchi na bista’. E kurso ta pa prepará e partisipantenan pa por guia mayor den edukashon di nan yu di entre 0 i 4 aña. Intenshon di e kurso ta pa e trahadónan por duna e kurso ‘Mi yuchi na bista’ na mayornan di mucha di e edat menshoná, si e mayornan tin nesesidat di sosten, guia o informashon relashoná ku edukashon di nan yu.

E partisipantenan na e kurso ta trahadó di den fèlt di akohida pa mucha. A skohe e grupo akí pa nan eksperensiá i konose e área di kuido i guia di mucha. Tur e 6 partisipantenan a terminá e kurso ku éksito. Ta trata di Roxiana Goeloe, Shariela Sebelon, Geraldien Bernabela, Marisella Chirino, Marion Polonius i Iliana Goeloe. Trainer tabata mener Remsley Nita. Pronto Sentro Hubentut i Famia lo kuminsá ofresé e kurso aki na mayornan.

Share This
error: Content is protected !!