KRALENDIJK – E ekipo di Uruguay Titans di Antriòl Pariba, djárason ultimo den partido bálido pa e torneo 50 aña di FFB den Stadion di Playa 8or anochi, ta eliminá e ekipo di ATC di Tera Kòrá ku skor di 3-1 den prolongashon, esaki despues ku e partido a finalisá 1-1 ku un pinalti kada banda den su tempu regular di 2 bia 45 minüt.
ATC a hunga mayoria parti di e partido ku 1 hungadó menos pa motibu di karchi kòrá i ekspulsá fo’i dje partido


Den prolongashon di 2 bia 15 minüt, Uruguay ta gana ATC ku skor di 3-1 den presensia di 573 fanátiko ku a paga pa mira e partido.
Tabata na di 27 minüt di e partido ku Uruguay ta haña pinalti i Guy Van der Valk ta hasi e partido 1-0, skor tambe ku e partido a parti na dos kuné pa sosiegu.


Di dos mitar ATC tambe ta haña pinalti na di 72 minüt i Vially Cornelia ta empatá e partido 1-1.
E partido ta finalisá empatá 1-1 i mester a bai den prolongashon di 2×15 minüt, di kua na di 110 i 112 minüt, Anthony Vasquez i Jordan Winster ta anotá pa Uruguay bai den bentaha di 3-1, skor tambe ku e partido a finalisá kuné den viktoria pa Uruguay.
Ku e resultado aki Uruguay ta sigui den e torneo i ATC ta eliminá di e torneo.

Rèfrinan ku a dirigí e partido ta Ashier Martines asistí na banda pa Amos Melaan i Franson Melaan ku Kòki Winklaar na mesa.
E partido aki tambe tabata bon bishitá, un total di 573 fanátiko a paga a mira e partido, di kua 410 adulto, 112 mucha i 51 fanátiko riba 60 aña.
Éksito na e ekiponan ainda den e torneo.
Riba potrètnan rèfrinan ku a dirigí e partido, e timnan i outornan di e golnan di e partido.

Share This
error: Content is protected !!