KRALENDIJK – Awe nochi ta e último partido regular di e torneo di futbòl Kopa FFB 2020 selebrando su di 60 aña. E ekiponan Estrellas di Nort Saliña i Vespo di Rincon ta hunga e último partido regular di e torneo awe nochi 8’or, di kua e ganador ta pasa pa final kontra e hóbennan di Young Boys di Nort Saliña djabièrnè awó.
Kos tei bira interesante I kayente awe nochi i tambe djabièrnè awó pa yega na e gran final i kampion di e torneo. Wak p’abo tei p’abo no pèrdè nada nada di e partidonan aki. Entrada pa mucha i 60+ ta solamente $2,-, adulto ta paga solamente $3,-.

Pa e partido di awenochi, 25 fanátiko por gana karchi pa entrada di e partido final di kopa FFB djabièrnè awó. 10 mucha, 5 sesenta plùs i 10 adulto. Asina ta warda bo karchi di entrada di awenochi bon, pa bo no pèrdè oportunidat di gana entrada liber pa djabièrnè awó. Tantu awe djarason i djabièrnè próksimo ta bai tin premio di porta ku ta regalo di e selebrashon 60 aña di e federashon di futbòl di nos isla.

Éksito na e ekiponan den e partido.

Share This
error: Content is protected !!