KRALENDIJK – Despues di a eliminá s.v. Uruguay 2-0 fo’i dje torneo 60 aña di FFB pa Kopa FFB 2020 djamars último den Stadion di Playa den oranan di anochi, e ekipo di futbòl nobo di Nort Saliña ku ta Young Boys, ta den final di e torneo djabièrnè awó kontra e ganador di e partido ayera nochi entre s.v. Vespo i s.v. Estrellas di Nort Saliña.

Un bon públiko a presensiá e partido aki.
E golnan di e partido a kai den tempran di e partido, pa ta eksakto na di 3 i 13 minüt di e partido ku Young Boys hungando kontra bientu.
Young Boys a sali pone preshon buskando e gol di bai dilanti ta logra esaki tambe.


E promé gol a kai na di 2 minüt di e partido, gol anotá pa Derek St. Jago pa hasi e partido 1-0 pa Young Boys.
E di dos gol di e partido tabata un pinalti na 13 minüt di partido. Tabata un pinalti ku Rowel Frans a tira ku éksito pa Young Boys amplia bentaha na 2-0.


E di dos mitar di e partido no tabatin novedat pa loke ta trata mas gol, no opstante e diferente oportunidatnan di gol ku a presentá den e partido.
Tabatin opotunidatnan klave di gol pero sin ku a probechá di pa kombèrtí esakinan den gol.


Ku e resultado aki pues, Young Boys di Nort Saliña, ya por yama su mes supkampion di e torneo Kopa FFB 2020 selebrando 60 aña di FFB ku ta nos federashon di futbòl di Boneiru.


Pa loke ta e fakatikada ku a paga pa mira e partido, e 697 fanátiko ku a paga pa mira e partido ta 523 adulto, 127 mucha i 47 fanátiko riba 60 aña.
Riba potrètnan rèfrinan ku a dirigí partido ku Geoffrey Angela na kabes, e ekiponan s.v. Young Boys i s.v. Uruguay Titans, outornan di e golnan di e partido i tambe un bista di e gran públiko ku ta sigui presensiá partidonan di futbòl di e torneo Kopa FFB 2020 selebrando su 60 aña.

Share This
error: Content is protected !!