KRALENDIJK/WILLEMSTAD – Den kuadro di konmemorashon 225 aña di e lucha pa libertat, guia pa Tula , herue nashonal, Plataforma Sklabitut I Herensia di Sklabitut di Korsou a invita James Finies Nos Ke Boneiru Bek pa tuma parti den un enkuentro dia 28 juli ultimo ku a karga e titulo “KITA BO RUDIA FO’i NOS OUTONOMIA”.

A trese huntu ekspertonan riba tereno sosial, kultural, historiko I huridiko pa tira un lus riba Derechonan Universal I pa aporta na e lucha pa kita tur rudia ku ta stroba nos eherse nos derechi di outodeterminashon.

James Finies a wordu invita spesialmente pa duna presentashon I splikashon amplio i kon leu Bonaire ta ku e proseso ku NKBB ta kanando pa pone Bonaire bek riba e lista di teritorionan-sin-propio-gobernashon di Nashonan Uni. Na e momentonan aki Korsou tambe ta analisando seriamente e posibilidat pa djoin ku Bonaire den e proseso direkshon di Nashonan Uni . Esaki ta debi na e krisis di COVID 19 ku gobierno Hulandes ta malusando ekstorshonando Korsou. Gobierno Hulandes a pone kondishonan inaseptabel pa un fiansa ku Korsou mes lo tin ku paga bek I kaminda Korsou lo tin ku entrega I perde su outonomia meskos ku Bonaire. Hulanda konkretamente lo drenta I dikta I lo tin kontrol kompletu. Dor ku resientemente a start un kampanja di propaganda manipulativo den media na Korsou ku Bonaire a bai dilanti spesialmente ku e meta pa krea aun mas divishon entre pueblo di Bonaire I esun di Korsou, NKBB a mustra e realidat amargo ku hechosnan konkreto kaminda e Boneriano no a bai dilanti. Asina NKBB a logra pa kontra-aresta e kampanja maligno di manipulashon kontra e pueblo di Korsou.

E evento aki a konta ku un yeno kompletu demonstrado e interes grandi I di preokupashon I ku awor si Korsou tambe lo tin ku start e proseso meskos ku Bonaire I Sint Eustatius direkshon di Nashonan Uni mirando e agreshon di gobierno Hulandes no respetando violando tratadonan internashonal I karta di Nashonan Uni.

NKBB ku a demonstra di a keda konsistente den su afan pa konsientisa alarmando nos islanan ruman di e peliger pa no kai den mesun trampa di manipulashon ku Bonaire a kai aden ku Hulanda, a hanja masha hopi atenshon di kasi tur media, televishon I radionan mas popular di Korsou ku kier a tende opinion di NKBB riba e situashon reinando aktual.

Otro logro di sumanente importansia pa e pueblonan di Korsou I Bonaire ku NKBB a logra ta di union I koperashon ku varios gruponan I aktivistanan di nos isla ruman Korsou ku ta ensera e Plataforma Sklabitut I tambe e konosido Team Lon Mutueel ku tin e mesun metanan ku NKBB, e lucha pa hustisia I derechonan humano I di outodeterminashon di e pueblonan di Korsou I Bonaire.

Share This
error: Content is protected !!