KRALENDIJK – Direktor Tékniko di s.v. Vespo ku ta sr. Elvis Sint Jago, por sierto tremendo futbolista den su époka i te ainda lo por subi tereno di wega si esei ta nesesario, ta sumamente kontentu i satisfecho ku e la logra hiba e ekipo di s.v. Vespo na e título máksimo ku ta kampion di e torneo Kopa 60 aña FFB.
Sr. Elvis Sint Jago den entrevista ku Ibi Piar den e programa Deporte99 na Radio Live99.9FM resientemente, a bisa ku su meta ta komo DT di s.v. Vespo, primeramente bira kampion Kopa FFB 2020 pa despues bai pa e título máksimo di e kampionato 2020-2021 di FFB ku ta kuminsá fin di e luna aki, pa ta mas eksakto 28 di ougùstùs 2020.
Sr. Elvis Sint Jago a logra e promé djabièrnè último momentu ku e la bira kampion di e torneo Kopa FFB 2020, ganando di Young Boys di Nort Saliña ku skor di 3-1 i titulá kampion den presensia di mas di 2 mil fanátiko ku a mira e partido.
Elvis ta sigui traha ku e ekipo pa logra su metanan poné su dilanti.
Nos ta deseá Elvis tur klase di éksito ku su ekipo di s.v. Vespo.

Share This
error: Content is protected !!