KRALENDIJK – Relashoná ku un reklamo di pasaheronan ku a biaha ku e kompania EZ-Air, Radio Live 99.9 FM a drenta den kontakto ku sr Rene Winkel gerente di e kompania.  

Sr. Winkel a reakshoná i a menshoná ku bèrdat nan a wòrdu poné na altura ku tabatin un kalor insoportabel den e avion, durante e buelo di ayera djadumingu for di Kòrsou pa Boneiru. Debí ku un blower tabata defekto, a pone ku no tabatin airu friu den e avion. Pa loke ta trata e parti di kambio di un avion pa un otro, loke a sosodé na Kòrsou ta un proseso normal. Debí na e parti di inspekshon, a pone ku pasaheronan mester a pasa di un avion pa un otro i biaha di Kòrsou pa Boneiru. Gerente di e kompania a aseptá ku tabatin falta di komunikashon diparti e piloto ku e pasaheronan ku a kuminsa bira nervioso abordo. Mientrastantu a atendé ku e situashon, gerente di e kompania di aviashon a menshoná na Radio Live 99.9 FM.

Diparti e kompania nan ta pidi nan diskulpa na e pasaheronan.

Share This
error: Content is protected !!