KRALENDIJK – E hóben futbolista ku ta primintí hopi pa su futuro karera den futbòl ku ta Jameson Piard, djabièrnè último a keda skohé komo MVP, e hungadó mas balioso di e partido final Torneo Kopa 60 Aña di FFB, esaki entre e ekiponan s.v. Young Boys di Nort Saliña i s.v. Vespo di Rincon di kua Vespo a titulá kampion.


Jameson a move hopi den e partido i kontribuí en grande na e viktoria di 3-1 di s.v. Vespo riba e ekipo di s.v. Young Boys pa titulá kampion, hinkando tambe un di e tres golnan pa su ekipo bai ku e viktoria.


E tim di narashon di e emisora Radio Live 99.9FM formá pa Basilio Cicilia, Chio Semeleer huntu ku Aimed Ayubi, a skohe e hóben Jameson Piard komo e hungadó mas balioso i mihó hungadó di e partido. Na final di e partido, e tim di narashon huntu ku presidente di FFB, sr. Luti Balentin i diputado di deporte sr. James Kroon, a hasi entrega di un bunita regalu, un televishon opsekio di Bonaire Super Store na Jameson Piard.
Riba potrèt momentu di entrega di e bunita regalu na Jameson Piard.

Share This
error: Content is protected !!