KRALENDIJK – E asosashon di sòffbòl ku ta Asosashon Nos Ku Nos, djasabra último a rekordá i selebrá e echo ku 6 aña pasá e asosashon aki di sòftbòl aki a keda fundá entre amigunan. Awe e asosashon aki ta konsistí di dos tim di sòftbòl veterano ku ta un tim 40+ i un tim 50+, tur dos aktivo tambe den sòftbòl di nos isla.
E selebrashon a tuma lugá djasabra último riba e plenchi di Kos Bon So na Rincon di 6or atardi te ku mas lat anochi.
Akinan dirigentenan i miembronan di e asosashon i nan famia a bini huntu pa e selebrashon.
Manera ta kustumber e bolo no sa hasi falta, unda ku e presidente di e asosashon, sr. Aishel Girigorie i algun miembro a kòrta bolo.
Tabata un ratu ameno ku selebrashon di e seis aña di e asosashon ku tabata den un bon esfera.
Tur esnan ku tabata presente a disfrutá di algu pa bebe, snèks i bolo, tambe sòpi opsekio di Kos Bon So.
Riba potrètnan algun bista di e selebrashon di e 6 aña di Asosashon Nos Ku Nos djasabra último den oranan di anochi riba e plenchi di Kos Bon So na Rincon.

Share This
error: Content is protected !!