KRALENDIJK – Ayera anochi alrededor di 20:15 a tuma lugá un aksidente di tráfiko ku basta daño material riba kaya Internashonal en frente di aeropuerto Flamingo. Na promé instante sentral di polis a risibí e informashon ku tabata trata di un aksidente basta grave pero na yegada di e promé patruya a konstata ku no tabata tin herido pero si hopi daño material na ambos vehíkulo envolví. Segun shofùr di un di e vehíkulonan ku a aksidentá a splika, ku nan tabata biniendo direkshon pariba i na un dado momentu brek a faya i pone ku nan a aksidentá kontra un otro vehíkulo.  

No tabata tin niun herido sinembargo ambulans a presentá na e sitio di aksidente pa un chekeo médiko.

Motibu eksakto di e aksidente ta bou di investigashon.  

FUENTE: LIVE99.9FM

Share This
error: Content is protected !!