ORANJESTAD/KRALENDIJK – Un yamada urgente na tur persona lokal di Kòrsou i Boneiru ku por tabata na Aruba durante di e periodo di 17 di yüli – 03 augustus 2020 pa tuma nota:  

Despues ku ayera mèrdia dia 03 di ougùstùs a keda registrá 2 kaso di transmishon di Covid-19 lokal na Aruba, ayera tardi pa anochi DVG a keda notifiká di 3 kaso mas ku ta positivo. Esaki a hasi ku e total di kasonan di transmishon lokal riba un solo dia yega te na 5. E oumento den kasonan lokal a kondusí mesora na elevashon di e medidanan di kontinuashon segun Plan di Maneho ‘Corona’ Vírùs.  

Awe 4 di ougùstùs ta bolbe registrá 5 kaso di transmishon lokal mas, elevando kasonan aktivo di transmishon lokal na un total di 10. Entre esnan positivo, “contact tracing” a saka afó ku nan tabata presente na un di e siguiente lokalidatnan menshoná aki bou entre 17 di yüli pa ayera 3 di ougùstùs. Si bo persona tambe tabata presente, bo por a bin den kontakto ku e vírùs i por ta na riesgo di a keda kontagiá.  

• Gusto Night Club  

• Lola/Craft Bar and Restaurant and Night Club. 

• Muscles and Lungs Gym. 

Pues si bo tabata na Aruba i a bishitá un di e lugánan menshoná durante di bo fakansi, por fabor tuma kontakto ku GMN mesora na Kòrsou pa un kòntròl. Esnan di Boneiru mester tuma kontakto ku departamentu di Salubridat Públiko na (+599) (0) 800 – 13 51

Share This
error: Content is protected !!