KRALENDIJK – Flamboyan Lottery B.V a selebrá 20 aña di eksistensia i esaki no por a pasa sin un selebrashon. Geraldine Emerenciana propietario di e negoshi a selebrá huntu ku klientenan durante e dia. 20 kliente tabatin e chèns pa partisipá i gana un montante pa bolbe kumpra number. Tambe tabatin oportunidat pa kohe un papel den bola di glas i ku e chèns pa gana number e anochi.  

Geraldine a konta ku el a pasa den tempu ménos bon,  sinembargo el a logra surpasá e situashon i kontinuá awor ya 20 aña. El a konta ku yùfrou Angela de Palm Q.E.P.D. tabatin e kantor na Amboina, esta e di 2 filial di Flamboyan Lottery B.V.. “E tabata un tremendo persona ku a yudami hopi. Despues ku el a fayesé, mi a kontinuá solamente ku un ofisina ku ta bende number . 

Mi stima e klientenan i pa e motibu aki mi a tritnan den diferente forma selebrando 20 aña. Klientenan semper ta alegre papia algu prèt pa tur presente hari miéntras nan ta kumpra number,” Geraldine a bisa e atardi.  

Kombinashon di potrèt ta ilustrá algun di esnan ku a selebrá atardi huntu ku propietario di  Flamboyan Lottery.

Share This
error: Content is protected !!