KRALENDIJK – Dòkter Giovanni Frans direktor general di Fundashon Maridal (FM) a papia ku Radio Live 99.9 FM, tokante akuerdo ku ZVK, pa loke ta trata pago di servisio ku FM ta duna, i no mester a bai korte. “E kontrakt di kuido ku Mariadal tin ku ZVK a terminá fin di desèmber 2019. Mientrastantu a inisiá un trayekto nobo pa un kontrakt nobo i esaki no ta kla. Na fin di luna di mei a surgi un situashon kaminda ZVK no a pasa sèn, di loke Mariadal ta risibí i duna kuido kuné. Aki nos a hala nan atenshon a base di e palabrashon ku miéntras no tin un kontrakt nobo, Fundashon Mariadal tin kompromiso pa sigui duna kuido na e pashènt i e parti kas di kuido, botika meskos ku kualke otro trabou, nos a traha i nan mester kumpli ku e pago. Nos ta den un deliberashon pa yega na un kontrakt den un struktura nobo. Loke tin aktual ta rekerí adaptashon. Pa e motibu aki no a keda kla ku e kontrakt nobo. Nos no tabata fo’i mesa ku otro, i semper a keda den bon harmonia ku otro esta ZVK i FM. Huristanan esnan ku mas eksperensia a bai studia e kaso i mustra ku Fundashon Mariadal a duna servisio i ZVK mester paga. ZVK a hasi e pago i ya si mi no ta kiboká nan a hasi e pago di luna di ougùstùs. Pues nan a kumpli i mes kos nos tambe ta kumpliendo ku nos responsabilisá pa duna kuido na e esnan ku ta rekerí atenshon. Na final di tur kos ta e kuido ta na promé lugá. Tur e proseso a keda atendé tras di porta será, i niun persona por a tuma nota di loke tabata sosodé. E proseso ta kanando i den transkurso di luna binidero, nos tin ku haña e konsepto di e kontrakt nobo, i despues ta sinta na mesa pa negoshá,” Dòkter Frans a bisa. 

Share This
error: Content is protected !!