KRALENDIJK – Guillermo Montero a drenta Selekshon A di segundo divishon di futbòl aya na Hulanda. Despues ku basta dia ku nos no tabatin kontakto ku Guillermo, e siman aki nos a drenta kontakto kuné pa tende kon ta bayendo kuné ku su karera den futbòl aya na Hulanda.
Guillermo a duna di konosé ku e ta trein duru preparando pa su debut den Selekshon A Segundo divishon, tambe pa e temporada nobo ku ta bai kuminsá. E ta trein 5 bia pa siman. E la keda skohé i drenta selekshon i su number di kamiseta den e selekshon ta 24. Weganan di Segundo divishon ta kuminsá den luna di sèptèmber benidero, dependé kon kosnan bai, e ta kuminsá hunga mitar wega. Pa haña mas minüt di wega e ta hunga ku U23 tambe ku ta hunga den segundo divishon di U23. Tambe Guillermo a bisa ku nan weganan di Selekshon A ta pasa via TV Fox Sports. Guillermo ta hungadó estelar di “Kozakken Boys 1” di Werkendam. Mas aleu e la duna di konosé ku su ruman tambe ku ta Francis Montero, èks hungadó di ATC, ku su seis luna na Hulanda, a hasi tryout ku Kozakken Boys, di kua tur kos a bai bon i ta drenta U-19 di Kozakken Boys.


Tambe tin Rowen Frans ku a drenta resèrve tim di “Kozakken Boys B”. Rowen ta kuminsá trein djasabra awó i ta trein 3 bia pa siman. Francis Montero ta hunga den Kozakken Boys U19. Rowen Frans Kozakken Boys 2.
Guillermo Montero ta hunga den Kozakken Boys 1 I tambe selekshhon.
Nos ta deseá e hóbennan aki tur pero tur klase di éksito den nan karera komo futbolista aya na Hulanda. Asina ku tin kualke informashon nos lo sigui amplia riba esakinan.

Share This
error: Content is protected !!