KRALENDIJK – Direktor interino di ofisina di turismo, Delno Tromp a stòp di laborá i asumí e responsabilidat komo direktor interino di Tourism Corporation Bonaire (TCB). E tin un kontrakt ku ta finalisá promé di sèptèmber 2020, sinembargo e no ta den funshon mas. Delno tabata hopi kerí na inisio di e labor na TCB i parse ku último temporada sierto kos no tabata kana korektamente. Radio Live99.9FM ta dispone di e informashon ku Tromp ta kompletamente uni na palabra nan di Ben Oleana, e eks direktor interino di Bonaire Holding Maatschappij (BHM) ku tambe a entregá su karta di retiru resientemente, entre otro pa motibu ku kosnan no ta kanando bon den departamentunan di Gobièrnu di Boneiru. Ainda no por nombra un direktor nobo. Na diferente okashon a prologá e kontrakt di Delno loke na prinsipio tabata pa solamente 3 luna di trabou. E mester a atendé ku e direktor nobo, sinembargo te awor esei no tabata e kaso. E direktor no a bira un realidat. Tin indikashon ku e momentu aki ta unu hopi importante pa TCB, relashoná ku e situashon aktual pa loke ta trata turismo. Otro kos ta ku Tico Croes, e persona ku ta tras di e plan stratégiko di turismo, tambe kosnan no ta kana den bon direkshon segun por komprondé. Esaki debí ku TCB no tin sufisiente stabilidat. Elvis Tjin Asjoe kende ta diputado enkargá ku e parti di turismo, a menshoná ku TCB ta buskando un direktor i nan ta na altura ku Delno a entrega karta di retiru.     

Share This
error: Content is protected !!