KRALENDIJK – Fundashon Mariadal ta den e último fase pa loke ta trata rekonstrukshon i renobashon. “Aktualmente e trabou nan ta den e último fase i ta bai konstruí entre otro un edifisio di 2 piso. Esaki ta e área entre hospital nobo i hospital bieu. Den e edifisio ta bin botika nobo, laboratorio, departamentu di sterilisá sentral nobo i téknikonan, esnan ku ta atendé ku e aparatonan médiko pa Fundashon Mariadal (FM). Tambe ta bin e parti nobo di magazijn.    

E plan ta pa finalisá e trabounan na komienso di 2021. Tin e problema pa loke ta trata prosesamentu di e mashinnan ku ta bin for di eksterior i esaki nos no tin sigur si e ekiponan ta yega pa e tempu stipulá. Esaki tin di aber ku sierto kompania den eksterior no ta funshoná optimal debí na e problema di e vírùs. Tin di nan ya a menshoná ku nan tin poko retraso. Sinembargo e infrastruktura si ta kanando den bon direkshon. Loke COVID-19 a pèrkurá pe mundialmente no por hasi nada n’e. Tin ku dil ku e situashon i atendé mas mihó posibel,”dòkter Frans, direktor di FM a bisa.

   

Share This
error: Content is protected !!