KRALENDIJK – Dòkter Giovanni Frans direktor general di Fundashon Mariadal (FM) a papia resientemente tokante situashon di COVID-19. “Promé paso ku a tuma lugá ministerio di salu na Hulanda VWS a bai den diálogo konsulta ku inspekshon di salubridat IGJ. Di parti di inspekshon nan a duna lus bèrdè pa bisa pa fasilitá ku FM por amplia e departamentu di kuido spesial i atendé ku pashènt di kuido intensivo. Promé ku e asuntu di COVID-19 a presentá, loke nos tabata hasi momentu ku un pashènt ku mester bai kuido intensivo, nos tabata stabilisá e pashènt, i denter di 24 ora maksimal 48 ora, tabata trasladá e pashènt pa un otro hospital kaminda tin e servisio di kuido intensivo. Debí na e asuntu di COVID-19 na Europa i mundu kompletu, a bisa e minister, ku no por keda ku e struktura di pasado i a kuminsá diálogo ku e ministerio, kiko ta e infrastruktura adishonal pa por atendé ku pashèntnan di kuido intensivo. Esaki den hospital na Boneiru relashoná ku COVID-19. Pa kuido intensivo Boneiru tin tur loke mester komo norma internashonal. Tin tur e hendenan nesesario ku ta duna e kuido i remedi pa atendé ku un pashènt ku ‘corona’ vírùs. Resientemente a atendé ku un pashènt ku tabatin e vírùs i a dun’é tratamentu mes bon, kisas mas mihó ku na otro hospitalnan grandi, esaki debí na e bon struktura i e konsepto mas chikitu kompará ku otronan. Pues e atenshon ku ta duna e pashènt ta mas intensivo i miéntras tantu e pashènt a rekuperá i ta stabil kita for di mashin ku tabata yud’é hala rosea,” dòkter Frans a bisa. El a sigui menshoná tokante kon ta bai sigui desaroyo ku e asuntu di e pandemia di e ‘corona’ vírùs. “Ta muchu trempan pa bisa si yega na un vakuna pa e COVID-19, ta bai pone ku nos ta bai kompletamente manera biba tabata den pasado. Dikon pasobra si tuma nota komo ehèmpel di grip, tin vakuna pe, sinembargo tin hende ta bira hopi malu i ta rekerí atenshon médiko di atenshon. Pues si yega na un vakuna pa e COVID-19, e situashon por keda meskos ku mester ta atento pa atendé esun ku bira malu, sinembargo ta hopi trempan pa pronostiká tokante esaki. Boneiru a sera pa islanan ku tin riesgo haltu di hende infektá ku e COVID-19. Meskos ta e kaso na Saba i Sint Eustatius. Esaki ta pone si sosodé kaso di e vírùs na Boneiru, e ta mas bou di kontròl,  si bo laga tur hende drenta i sali e isla. ‘Corona’ vírùs ta algu nobo mundialmente i tur parti di mundu ta serando konosí kuné kon e ta desaroyá i kon pa atendé mihó kontra dje, “dòkter Frans a bisa.

Share This
error: Content is protected !!