KRALENDIJK – Fundashon Mariadal (FM) tin un plan pa loke ta trata sitio pa stashoná vehíkulo pa empleado, tabata entre otro loke direktor di Fundashon Mariadal dòkter Giovanni Frans, a bisa Radio Live 99.9 FM. El a sigui konta ku trabounan ta andando riba tereno di hospital i manera terminá e trabounan, e espasio ta presentá. “Den futuro empleadonan no tin niun motibu pa usa e lugá pa stashoná outo parti pafó di e tereno di FM, loke aktualmente ta e kaso. Loke ta e kaso awor tin kantidat di kònteiner riba tereno di FM, i ta pone ku no tin espasio pa stashoná e empleado su vehíkulo. Poulatinamente e kònteiner nan ta bai for di e tereno momentu ku terminá kada fase di trabou, i asina krea espasio liber pa stashoná outo. E plan ta pa tur vehíkulo di trahadó ta stashoná riba tereno di FM. Boneiru ta den desaroyo i ta sigui desaroyá. Mester yega awor na un diálogo entre OLB i RCN, kon ta bai krea mas lugá pa stashoná vehíkulo pa esnan ku ta bishita hospital. Esei no ta solamente responsabilidat di FM. A drecha e struktura ku tin rònt di FM, ku awendia ta yuda hopi ku e problema di awa riba e tereno momentu ku áwaseru kai. E problema no ta kompletamente solushoná. Mester atendé esei i ta parti di gobièrnu. Pues ta diferente kos tin ku atendé parti pafó di FM, entre otro e parti di pasada di awa, lugá pa stashoná, guia pa tráfiko ta ku ménos velosidat. Ta responsabilidat di entidat públiko i RCN huntu ku FM, pa wak kon ta yega na e forma mihó pa drecha loke ta rekerí atenshon,”dòkter Giovanni Frans direktor di FM a bisa. 

Share This
error: Content is protected !!