D66 TA PROPONÉ PA TUR BIAHERO DI HULANDA TAMBE TÈST OBLIGATORIO PA COVID-19 PROMÉ KU NAN BIAHA PA BONEIRU

KRALENDIJK – Djarason 12 di ougùstùs e partido D66 ta bai trese un proposishon pa medio di su miembronan di ‘tweedekamer’, Jan Paternotte i lider di frakshon Rob Jetten. Esaki ta durante di enkuentro di ‘tweedekamer’, kaminda ta debatí tokante desaroyo di COVID-19. Nan ta deseá pa Gabinete Rutte regla pa obligatoriamente tur hende ku ta deseá pa biaha for di Hulanda pa Boneiru, mester pasa tèst di COVID-19 i ta negativo promé bishita e isla.  

D66 ta mustra e echo ku hòspital na Boneiru na nan opinion no ta asina kapasitá pa atendé ku kantidat di hende afektá ku e vírùs na mes momentu. E di 2 opshon no ta konfiabel, mirando ku den e region no tin espasio pa hende di un otro isla bai pa asistensia médiko na un otro hospital den serkania. Turismo awor poko poko ta kuminsá desaroyá, i lo ta bon pa tene kuenta mas tantu posibel, pa evitá ku e vírùs yega i plama, pone ku mester sera porta di e isla. Turismo ta un parti fuerte di e ekonomia di Boneiru. Si hasi e tèst obligatorio, ta hasi e situashon mas stabil i sigur ku e vírùs no por yega Boneiru ku tur e konsekuensianan. Di otro banda Kòrsou i Aruba si ta eksihí pa esnan ku ta drenta e isla hasi un tèst 72 ora promé ku biaha, loke na Boneiru no ta e kaso.   

D66 ta urgí tambe pa manda e barku di marina real ‘Karel Doorman’ rápido pa e área di Karibe. Esaki mirando kon e kasonan di COVID-19 ta subiendo konsiderablemente na Sint Maarten i Aruba. E barku ya tabata na islariba riba petishon di gobièrnu di Sint Maarten. El a regresá Hulanda ya ku e situashon no tabata alarmante di hendenan infektá ku e vírùs. Awor si ta notabel ku ta rekerí atenshon di entre otro e barku di marina pa yuda esnan infektá.     

Share This
error: Content is protected !!