KRALENDIJK – Djarason tabata presente dilanti hues Reginald Pinto, kende ta General mènedjer di Bopec i abogado Keizer di OX & Wolf. Na otro banda den e sala tabata presente eks general mènedjer di Bopec Ethward ‘Echi’ Manuel i abogado E. Winkel. Nan a presentá dilanti  hues J.A. van Voorthuizen den sala di korte Henk W. Welvaart.   

Abogado di BOPEC, Keizer a papia komo promé persona den sala di korte e atardi tokante e kaso. El a amplia tokante e situashon i entre otro kon Echi tabata biaha di Boneiru pa Kòrsou, relashon ku su funshon na Boneiru pa Bopec. El a bisa ku a hür ‘Echi’ pa un temporada na Boneiru.   

Despues a papia abogado E. Winkel, i el a bisa Ku ‘Echi’ a palabrá pa traha un temporada na Boneiru na Bopec i despues bai Kòrsou. Na 2014 el a bin Boneiru despues di tabata laborá na Isla pa hopi aña. E tabata traha i biba na Kòrsou. Despues ku 2 direktor a kometé káos enorme na Bopec, hòrtando miónes, a pidi ‘Echi’ pa atendé ku Bopec, abogado Winkel a menshoná.  

‘Echi’ tambe a splika hues tokante loke a sosodé. Entre otro el a splika kon nan a aserk’é pa e bin Boneiru pa trese kosnan na òrdu na Bopec. Abogado Winkel a splika hues ku kosnan no ta kana korekto pa loke ta trata ‘Echi’ i su relashon trahando den funshon pa Bopec i Isla. A deliberá ku ‘Echi’ a haña hopi ménos sesantia di loke supuestamente e mester risibí. Pues Bopec ta deseá pa paga Echi, sinembargo e montante ta ménos di loke e mester haña. Despues a bolbe papia den e di 2 parti kaminda tur hende a papia.   

Hues J.A. van Voorthuizen a sera e atardi i a bisa ku dia 9 di sèptèmber binidero, e ta dikta sentensia di e kaso.

 

Share This
error: Content is protected !!