KRALENDIJK – Djadumingu 16 di ougùstùs pa 10’or di mainta ta bai tin Santu Sakrifisio di misa na parokia San Luis Bertran na Rincon i na parokia La Bírgen di Coromoto na Antriol relashoná ku komienso di aña eskolar 2020/2021. Kor San Luis Bertran, kier a ekstendé un kordial invitashon na tur mucha, hóben, maestronan i tambe mayornan na un Santu Sakrifisio di misa. Despues di misa lo bai tin un momento agradabel pa nos muchanan i hóben nan.

Pader Alphonsus Baak tambe ta invitá alumno i mayornan di skol básiko, i skol sekundario pa tuma parti na e selebrashon Eukarístiko, relashoná ku aña eskolar nobo 2020 pa 2021. Kor Flornan di Coromoto ta animá e Santu Sakrifisio di misa e mainta. Despues di misa ta kontinuá ku un “Koffie morgen”. Un boka bisa otro i djadumingu awor 16 di ougùstùs nos ta topa na parokia La Bírgen di Coromoto na Antriol i parokia San Luis Bertran na Rincon, pa 10’or di mainta. Ban resa huntu pidi Señor bendishon pa un aña eskolar bon pa nos tur. “Back to school, back to church”.

Share This
error: Content is protected !!