KRALENDIJK – Diputado Nina den Heyer a papia tokante preparashon nan pa aña eskolar nobo 2020/2021. “Aktualmente tin kombersashon ta tumando lugá ku MBO pa wak kon ta bai atendé ku nan aña eskolar nobo. Pa loke ta trata skolnan básiko nan ta den ful preparashon i tur kos ta práktikamente kla pa promé dia di skol otro siman. Aña eskolar 2020-2021 ta bai tin hopi mas énfasis pa loke ta trata e parti di higiena. Muchanan gusta hunga i tin kontakto serka ku otro, i sigur e parti aki ta bai konsientisanan ku mester tene kuenta, debí na e situashon di ‘COVID-19’. Pa loke ta trata dosente tin algun ku no a yega Boneiru, sinembargo tin solushon i tur kos ta kana den bon direkshon. Pues skol ta bai kuminsá normal meskos ku tur aña di nobo. Simplemente ta bai atendé poko diferente na e parti di higiena pa asina evitá ku muchanan tin hopi kontakto ku otro. Danki Dios ku Boneiru su situashon ta diferente den komparashon ku islanan ruman, relashoná ku e asuntu di corona vírùs,” diputado den Heyer a bisa. 

Share This
error: Content is protected !!