KRALENDIJK – Direktiva di skol Amplio Papa Cornes a manda karta pa mayornan ku algun informashon. E karta ta fechá 14 di ougùstùs 2020. “Direktiva di Skol Amplio Papa Cornes ta informá tur mayor di e alumnonan di e skol. Djaluna 17 di ougùstùs skol ta kuminsá pa tur alumno di e skol ariba menshoná. Mayor di alumnonan di grupo 1-2-3 por subi tereno di skol riba e dia pa trese e yu. Despues di e promé dia di skol, mayornan di grupo 1 so por sigui trese e yu mainta na e grupo. Esaki enkonekshon ku medidanan relashoná ku COVID-19. Ta bai tin anochi di informashon pa sera konosí ku e maestronan di e skol. Kaya Leiden ta habrí temporalmente i por usa kayanan di den bario Nort di Saliña. Ta bon pa pone bon atenshon riba tráfiko. Por subi tereno di e skol for di e porta chikitu na parti nort di e edifisio ros, i e porta grandi parti pariba di e skol, pa yega na klas. Tur klas di e skol ta kaba normal 12.33 di mèrdia.

Share This
error: Content is protected !!