KRALENDIJK – Manera ta konosí, djasabra promé di ougùstùs último Sekshon di Kultura, Arte i Literatura (SKAL), den koperashon ku komishon Arte di Palabra a organisá e kompetensia Arte di Palabra 2020. Arte di palabra ta un kompetensia Literario, Poesia i kuenta kòrtiku. Tantu na Kòrsou i Aruba ta organisá e kompetensia aki. E ganadó apsoluto ta Juriella Josephia.

E aña aki ta kumpli 15 aña ku ta organisando e aktividat di Arte di Palabra na Boneiru. Djasabra 15 di ougùstùs 2020 awó pa promé biaha Boneiru lo ta e esenario pa e gran final entre e tres islanan. E aktividat ta tuma lugá na Kaya Somontuno 6, di 10’or di mainta pa 2’or di atardi. E lugánan ta limitá pues no ta aseptá un kantidat grandi di públiko. 12 hóben ta bai representá Boneiru, for di Kòrsou tambe ta partisipá 12 hóben i di Aruba pa medio di ‘live streaming’, 8 hóben. Entrada ta grátis!

Share This
error: Content is protected !!