KRALENDIJK – Sentro Hubentut i Famia (SHiF) djamars 11 di ougùstùs a entregá sertifikado na un grupo di 12 mucha ku a partisipá na e kurso “Konosé bo kurpa”. Muchanan di entre 6 pa 8 aña a risibí informashon tokante e diferente partinan ku e kurpa físiko ta konsistí di dje. Durante e kurso a trata banda di konosé e kurpa entre otro kuido i funshonamentu di e kurpa, i kon mantené un kurpa salú. Tambe e kurso a duna atenshon na norma, balor i balor propio. Sentro hubentut i famia ta felisitá tur e muchanan ku a partisipá asina entusiasmá na e kurso. Sentro Hubentut i Famia tei pa chiki i grandi, hoben i henter famia. Yama Sentro Hubentut i Famia, na e number di telefon nobo ku ta 717-7300.

Share This
error: Content is protected !!